મંગળવાર, 2 જુલાઈ, 2019

ભારતીય લોકતંત્રનો કાળો અધ્યાય - ૧૯૭૫ની કટોકટી અને મીડિયા પર પ્રી-સેન્સરશીપ

૨૫ જુન ૧૯૭૫ની રાત્રીએ ઇન્દિરા ગાંધીએ કટોકટી ઘોષિત કરી આખા દેશને કારાગૃહમાં પરિવર્તિત કરી દીધો હતો.કટોકટીકાળમાં થયેલી ધરપકડો,અમાનુષી અત્યાચારો,આપખુદશાહી વગેરે બાબતો વિશે ઘણું લખાયું છે.આજે આપણે વાત કરવી છે કટોકટી સમય દરમિયાન મીડિયાજગત પર થયેલા અત્યાચારોની,દમનની.

૨૬મી જુન ૧૯૭૫ના દિવસે ઇન્દિરા ગાંધીએ મીડિયા પર નિયંત્રણ મુકવા કેબીનેટની બેઠક બોલાવી હતી.જેમાં ‘પ્રી-સેન્સરશીપ’ લાગુ કરવાના પ્રસ્તાવને મંજુરી આપવામાં આવી હતી અને ભારત સુરક્ષા અધિનિયમ ૧૯૭૧ની કલમ ૪૮ હેઠળની જોગવાઈનો દુરપયોગ કરી દેશભરમાં પ્રી-સેન્સરશીપ લાગુ કરી દેવામાં આવી.જે મુજબ કોઈપણ સમાચાર,નોંધ કે રીપોર્ટ અધિકૃત અધિકારીની તપાસણી તેમજ પરવાનગી વગર પ્રસિદ્ધ કરવા પર પ્રતિબંધ મુકવામાં આવ્યો.કાયદાનો ભાગ ન હોય તે પ્રકારની કડક ગાઈડલાઈન્સ નક્કી કરવામાં આવી. જેથી મીડિયાજગતને સંપૂર્ણ બાનમાં લઇ શકાય.ઇન્દિરા ગાંધી સ્પષ્ટપણે માનતાં હતાં કે જો અખબારો પર નિયંત્રણ મુકવામાં નહીં આવે તો કટોકટીના નિર્ધારિત પરિણામો મેળવી શકાશે નહીં.જો જનતાને અખબારો દ્વારા વાસ્તવિક સ્થિતિની માહિતી મળતી રહેશે તો દેશમાં પ્રચંડ જનાંદોલન શરુ થશે અને પોતાનું આજીવન સતા પર રહેવાનું સપનું અધૂરું રહી જશે.સરકાર સામે પ્રજા વિરોધનો સુર અખબારોમાં પ્રકાશિત ન થાય તથા સરકાર સામે પ્રજાઆક્રોશ વધે નહીં તેથી સેન્સરશીપને તાત્કાલિક લાગુ કરી દેવામાં આવી.

કટોકટીની ઘોષણા પછી તરત જ રાત્રે દિલ્હીના અખબારોનો વિદ્યુતપ્રવાહ બંધ કરી દેવામાં આવ્યો હતો અને ઇન્દિરા ગાંધીના પ્રખર આલોચક એવાં અંગ્રેજી દૈનિક ‘મધરલેન્ડ’ના મુખ્ય તંત્રી કે.આર.મલકાનીની રાત્રે જ ધરપકડ કરી લેવામાં આવી હતી.સમગ્ર દેશમાં જે અખબારો સરકાર વિરોધી હતા તે બંધ કરાવી દેવામાં આવ્યા હતા.પોલીસ અને સરકારી અધિકારીઓએ અખબારો અને સમાચાર એજન્સીઓની ઓફીસ પર કબજો જમાવી દીધો હતો.મોટા ભાગના અખબારોની કચેરીઓમાં વગર વોરંટે ઘુસી પોલીસ અધિકારીઓએ સીલ મારી દીધા હતા.વિરોધ કરનારા પ્રકાશકો-તંત્રીઓની મીસા હેઠળ ધરપકડ કરવામાં આવી હતી.

કટોકટી પૂર્વે દેશમાં ચાર સમાચાર એજન્સીઓ હતી.જેમાં પીટીઆઈ(પ્રેસ ટ્રસ્ટ ઓફ ઇન્ડિયા),યુએનઆઈ(યુનાઇટેડ ન્યુઝ ઓફ ઇન્ડિયા),હિન્દુસ્તાન સમાચાર અને સમાચાર ભારતી નો સમાવેશ થાય છે.પ્રેસ પર સંપૂર્ણ નિયંત્રણ મેળવવા માટે આ ચાર એજન્સીઓ પર અધિકાર જમાવવાનું સરકારે નક્કી કર્યું.પરિણામે ૧૩ ડીસેમ્બર ૧૯૭૫ના રોજ મળેલી કેન્દ્રીય મંત્રીમંડળની બેઠકમાં આ ચાર સમાચાર એજન્સીઓનાં જોડાણ માટેનું વિધેયક પસાર કરવામાં આવ્યું.આ જોડાણ થતાં તેને નવું નામ આપવામાં આવ્યું ‘સમાચાર’.આમ,’સમાચાર’નું નિર્માણ થતાં પ્રત્યક્ષ કે પરોક્ષ રીતે તમામ અખબારોનો કંટ્રોલ સરકાર હસ્તક આવી ગયો.

અખબારી સ્વાતંત્ર્ય ઉપર તરાપ મારવા અને તેના પર પોતાનો સંપૂર્ણ કબજો જમાવવાના હેતુથી ૧૧ ફેબ્રુઆરી ૧૯૭૬ના રોજ ‘આપતીજનક સામગ્રી પ્રકાશન નિષેધ અધિનિયમ ૧૯૭૬’ પારિત કરવામાં આવ્યો હતો.આ અધિનિયમ દ્વારા સરકારે અખબારોની આઝાદી પોતાના હસ્તક લઇ લીધી હતી.આ અધિનિયમની સૌથી ભયંકર વાસ્તવિકતા એ હતી કે તેને સંવિધાનની નવમી અનુસૂચિમાં સામેલ કરવામાં આવ્યો હતો. જેને પરિણામે આ અધિનિયમને કોઈપણ અદાલતમાં પડકારી શકાય નહીં.

ગુજરાતમાં તે સમયે બાબુભાઈ જશભાઈ પટેલની મોરચા સરકાર હતી તેથી ગુજરાત સરકારે સેન્સરશીપને બહાલી આપી નહીં અને માહિતી નિયામકની સેન્સર અધિકારી તરીકે નિમણુંક પણ કરી નહીં. પરિણામે, કેન્દ્ર સરકારે પ્રેસ ઇન્ફોર્મેશન બ્યુરો ઓફ ઇન્ડીયાના સ્થાનિક અધિકારીની સેન્સર અધિકારી તરીકે નિમણુંક કરી હતી.ગુજરાત વિધાનસભામાં પણ સેન્સરશીપનો વિરોધ થયો હતો.ગુજરાત વિધાનસભાના ચોમાસુસત્રમાં ધારાસભ્ય અશોકભાઈ ભટ્ટ અને અરવિંદભાઈ મણીયાર દ્વારા વિશેષાધિકાર ભંગની દરખાસ્ત રજુ કરવામાં આવી હતી.ગુજરાતમાં હિતેન્દ્રભાઈ દેસાઈના નેતૃત્વમાં કોંગ્રેસના કાર્યકરો કોઈપણ ભોગે જનતા સરકાર તોડવા મથી રહ્યા હતા.તડજોડની રાજનીતિ દ્વારા તેમાં તેઓ સફળ રહ્યાં અને અંતે ૧૨મી માર્ચે ગુજરાત વિધાનસભામાં મોરચા સરકાર બહુમતી પુરવાર કરવામાં નિષ્ફળ રહી અને ૧૩મી માર્ચે સાંજે ગુજરાતની મોરચા સરકારે રાજીનામું આપ્યું.તે જ રાત્રીના ગુજરાતમાં ધરપકડોનો દૌર શરુ થયો અને સેન્સરશીપનો કડક અમલ પણ શરુ થયો.

ગુજરાતનાં અનેક અખબારો – સામયિકોએ કટોકટીકાળમાં ઇન્દિરા સરકારના તાબે થવાને બદલે હિંમતભેર લડવાનું નક્કી કર્યું અને સેન્સરશીપ,જડતી,જપ્તી કે ધરપકડોની પરવા કર્યા વિના સરકારના કાળા કાયદા સામે મક્કમતાથી લડી લેવાનું નક્કી કર્યું.’સાધના’,’ભૂમિપુત્ર’,’સંદેશ’,’જનસતા’,’ફૂલછાબ’,’જન્મભૂમી’ વગેરે અખબારોએ અનેક કોર્ટકેસ,ધરપકડો,જપ્તી,દંડ,સજા વગરે જેવી અનેક તકલીફો વેઠીને પણ મક્કમતાથી પોતાનો અવાજ ઉઠાવવાનું ચાલુ રાખ્યું હતું.’સંદેશ’ના એક તંત્રીલેખ પર સેન્સરની કાતર લાગી ત્યારપછી તંત્રીલેખની જગ્યા ખાલી રાખી માત્ર ગાંધીજીનો ફોટો મુક્યો અને ‘સબકો સન્મતિ દે ભગવાન’ તેવું લખી પોતાનો વિરોધ નોંધાવ્યો હતો.

અખબારો પરની સેન્સરશીપને લીધે લોકો સુધી સાચી વાત પહોંચવાનું બંધ થયું હતું તેથી તે સમયે દેશભરમાં ભૂગર્ભપત્રિકાઓ શરુ થઇ હતી જેમાં સરકારની જોહુકમી,અત્યાચારો,કટોકટી વિરુદ્ધના કાવ્યો,લેખો વગેરે પ્રસિદ્ધ થતાં અને તેના દ્વારા જનાંદોલન પ્રબળ બનાવવાના પ્રયત્નો થતાં રહ્યાં.રાષ્ટ્રસેવા કાજે સમર્પિત એવાં કેટલાંક લોકો પ્રજાજાગૃતિ માટે આ પ્રકારની ભૂગર્ભપત્રિકાઓ ચાલુ કરી હતી.જેમાં તે વખતનાં ગુજરાતના પત્રકારોનું યોગદાન મુખ્ય રહેતું.’જનતા છાપું’,’સત્યાગ્રહ સમાચાર’,’સંઘર્ષ સમાચાર’,’દાંડિયો’,’જનજાગૃતિ’,’નિર્ભય’,’જનતા સમાચાર’ વગેરે જેવી ગુજરાતી પત્રિકાઓ મુખ્ય હતી.

આ ઉપરાંત દેશભરનાં સાચા સમાચારો લોકો સુધી પહોંચે અને સરકારની જોહુકમી સામે વિરોધ પ્રગટ કરી શકાય તે માટે ભૂગર્ભ વાર્તાપત્રો પણ બહાર પાડવામાં આવતા હતા.આજે જે પ્રકારનાં કોમ્યુનીકેશન અને માહિતી એકત્ર કરવા માટે આધુનિક સંશાધનો ઉપલબ્ધ છે તેવી સગવડો ત્યારે નહોતી તેમ છતાં ટપાલ કે તાર દ્વારા છુપી રીતે કોડવર્ડથી જુદાજુદા પ્રદેશો વચ્ચે સમાચારોની આપ લે થતી અને તે સમાચારો વાર્તાપત્રોમાં સ્વહસ્તે લખાતાં,સાઇકલોસ્ટાઇલ મશીનમાં તેની નકલો કાઢવામાં આવતી અને તેને છુપી રીતે જુદાજુદા વિસ્તારોમાં પહોંચાડવામાં આવતી.

આપણાં પ્રધાનમંત્રીશ્રી નરેન્દ્રભાઈ મોદી પણ કટોકટીકાળમાં છુપાવેશે ભૂગર્ભમાં રહી આ બધી પ્રવૃતીઓ કરતાં હતા.કટોકટીકાળના તેમના અનુભવો સાથેનું એક પુસ્તક પણ તેમણે લખ્યું છે ‘સંઘર્ષમાં ગુજરાત’.આ ઉપરાંત શ્રી વિષ્ણુભાઈ પંડ્યા સહીત અનેક પત્રકારો-આગેવાનોએ પણ તે વખતનાં તેમના સ્વાનુભાવોને પુસ્તક રૂપે પ્રગટ કર્યા છે.જેમાં આ વિષય પર વિસ્તૃત માહિતી આપવામાં આવી છે.
આમ,જેને લોકતંત્રની ચોથી જાગીર કહેવાય છે તેવા મિડીયાજગત પર સેન્સરશીપ લાદી તેનાં અવાજને કચડી ઇન્દિરા ગાંધી દ્વારા લોકતંત્રની સરેઆમ હત્યા કરવામાં આવી હતી.કટોકટીકાળના આ કપરા ૨૧ મહિના આ દેશની લોકશાહીના ઇતિહાસનાં ‘કાળા અધ્યાય’ તરીકે હંમેશા યાદ રહેશે.

રવિવાર, 17 ફેબ્રુઆરી, 2019

આવો આપણે સૌ ‘કેરિયર ઓરીએન્ટેડ’ બનવાને બદલે ‘નેશન ઓરીએન્ટેડ’ બનીએ.


આપણે નાનપણથી વડીલો તરફથી એક વાત સાંભળતા આવીએ છીએ કે બેટા કેરિયર ઓરીએન્ટેડબનો, ફાલતુ વાતોમાં કે કામમાં સમય ના બગાડો,તમારું ભવિષ્ય ઉજ્જવળ બનાવવા માટે અત્યારથી જ મહેનત કરો.આવું ઘણુબધું આપણે સાંભળતા આવીએ છીએ.આપણાં સમયમાં આવું થોડું ઓછું હતું પરંતુ આજની નવી પેઢીનાં માં-બાપ તો કોમ્પ્યુટરની જેમ નાનપણથી જ બાળકોનું પણ પ્રોગ્રામીંગ ચાલુ કરી દે છે.પણ ક્યારેય આપણે એવું સાંભળ્યું કે માં-બાપ પોતાના બાળકોને કેરિયર ઓરીએન્ટેડ’ બનવાને બદલે એમ કહે કે બેટા નેશન ઓરીએન્ટેડબનો.દેશનાં ભવિષ્યને ઉજ્જવળ બનાવવા માટે અત્યારથી જ મહેનત કરો.આવું કહેતા કોઈને સાંભળ્યા છે ? નથી સાંભળ્યા ને ?

વાસ્તવિકતામાં બદલાતાં સમય સાથે આપણે સૌ એટલા બધા ‘Self Centered’ થઇ ગયા છીએ કે હું અને મારું ઘર,મારાં બાળકો,મારી ઓફીસ,મારો ધંધો,મારો બંગલો,મારી ગાડી બસ ફક્ત મારું મારું અને મારું જ આમાં દેશ માટેની તો કોઈ વાત જ આવતી નથી.તમને જાણીને આશ્ચર્ય થશે કે ઇસ્ટ ચાઈના યુનિવર્સીટી હેઠળ ચીનમાં એક ઇન્સ્ટીટયુટ છે જેનું નામ છે Institute of International and Comparative Education(IICE) તેમાં Nation-Oriented Comparative Education નામનો કોર્ષ ચાલે છે.તે જ રીતે નાની ઉંમરથી જ બાળકો દેશ માટે વિચારતા થાય તે માટે ઇઝરાયેલ જેવા દેશોની શાળાઓમાં જ તે પ્રકારની તાલીમ સાથે દેશભક્તિના સંસ્કારોનું સિંચન કરવામાં આવે છે.ત્યાંના લોકો સમજે છે કે દેશની સમૃદ્ધિમાં જ આપણી સમૃદ્ધિ છે,દેશનાં વિકાસમાં જ આપણો વિકાસ છે,દેશની પ્રગતિમાં જ આપણી પ્રગતિ છે.તે લોકો સમજે છે અને એટલાં માટે જ તમે જુઓ આપણને આઝાદી મળી ત્યાર પછીના વર્ષોમાં જે દેશો આઝાદી મેળવી ગુલામીમાંથી મુક્ત થયા હોય તેવા દેશો આજે આપણાં કરતાં ક્યાંય આગળ નીકળી ગયા છે. ભારતની સાથે અથવા ત્યારબાદ આઝાદ થયેલા ચીન, દક્ષિણ કોરિયા, ઈન્ડોનેશિયા, વિયેતનામ, જોર્ડન,એસ્ટોનિયા,ઇઝરાયેલ વગેરે દેશોએ જે પ્રગતિ કરી છે તેની સરખામણીમાં ઘણીબધી બાબતોમાં આપણે હજુ ખુબ જ પાછળ છીએ.

આ બધા દેશો શા માટે ઝડપી પ્રગતિ કરી શક્યાં ? તેના કારણોમાં જો ઊંડા ઉતરશું તો ખ્યાલ આવશે કે ત્યાંના લોકો કેરિયર ઓરીએન્ટેડ  નહીં પરંતુ નેશન ઓરીએન્ટેડછે એટલાં માટે આ બધાં દેશો આપણાથી આગળ નીકળી ગયા. નેશન ઓરીએન્ટેડએટલે શું ? તો કંઈ પણ કરતા પહેલાં દેશનો વિચાર કરવો. હું આ કામ કરીશ તો મારા દેશને ફાયદો થશે કે નુકશાન ? મને શું ફાયદો થાય તે જોવાને બદલે દેશનો ફાયદો-ગેરફાયદો વિચારતાં થશું તો દેશની પ્રગતિ ની સાથે આપણી પ્રગતિ પણ નિશ્ચિત છે.આપણી ક્રિકેટ ટીમ ભારતને વિશ્વકપ જીતાડે તો દેશને ફાયદો છે કે નુકશાન ? ફાયદો જ છે ને.દેશની આબરૂ વિશ્વકક્ષાએ ક્રિકેટમાં વધે તે પણ એક દેશ ગૌરવની જ વાત છે.પરંતુ દેશના ફાયદાની સાથે સાથે ટીમનાં પ્લેયર્સને પણ લાભ મળ્યો કે નહીં ?? તેવી જ રીતે દેશનો વૈજ્ઞાનિક કોઈ નવીન શોધ કરે અને તેને વિશ્વકક્ષાએ નામના મળે તો એ પણ દેશ માટેનું જ કામ થયું કે નહિ ? તમે કોઈપણ કાર્યમાં કે કોઈપણ ક્ષેત્રમાં પ્રમાણીકતાથી,ઈમાનદારીથી પ્રગતિ કરો તે દેશની જ પ્રગતિ છે અને દેશની પ્રગતિ થાય એટલે આપોઆપ સૌ દેશવાસીઓની પણ પ્રગતિ થવાની જ છે.

હમણાં ૨૬મી જાન્યુઆરીએ ભારતરત્ન,પદ્મશ્રી અને પદ્મવિભૂષણ જેવાં એવોર્ડ્સ ભારત સરકાર તરફથી જાહેર થયાં. આ નામોની યાદી જોશો તો તમને ખ્યાલ આવશે કે એમાંના તમામ લોકોએ પોત-પોતાનાં ક્ષેત્રમાં દેશહિત માટેનું ઉતમ કાર્ય કર્યું છે.પોતાનું સંપૂર્ણ જીવન કોઈ એક કાર્યમાં,બીજાના ભલા માટે ખપાવી દીધું હોય તેવાં લોકોને સરકારે અવોર્ડ આપ્યા છે.તો આ તમામ લોકોને કેવા છે ? નેશન ઓરીએન્ટેડ’. તેમણે બીજા લોકોને મદદ કરવા માટે પોતાનું સમગ્ર જીવન ખપાવી દીધું તો સાથે સાથે તેમની પણ પ્રગતિ થઇ અને રાષ્ટ્રનિર્માણનું પણ કાર્ય થયું.

આજકાલ વિદેશ જવાની પણ એક ફેશન ચાલી છે.પછી ભલે ત્યાં જઈને પેટ્રોલ પંપમાં નોકરી કરે પણ કમાણી તો ડોલરમાં જ.આવું ગાંડપણ ખાલી યુવાનોને જ છે તેવું નથી માં બાપ પણ ઘેલાં બન્યા છે.આપણો દીકરો ફોરેન ભણે છે એવો માભો સમાજમાં રાખવા માટે પોતે ભલે તૂટીને ત્રણ થઇ જાય,બેંકમાંથી લોન લે પણ વિદેશ તો મોકલવો જ.વિદેશ જવુ એ ખરાબ નથી.જો અનુકુળતા હોય તો વિદેશ જવુ જોઈએ.ત્યાંની સારી બાબતોનું અનુકરણ પણ કરવું જોઈએ પણ કંઈ જોયા જાણ્યાં વગર આપણું બધું ખરાબ અને વિદેશનું બધું સારું એવી માન્યતા ધરાવવી એ અતિ ખરાબ છે.ભારતીય સંસ્કૃતિ અને ઈતિહાસનો અભ્યાસ કરો અને પછી તમે કંઈ નક્કી કરો તો બરાબર પણ સાવ આંધળુકિયા બીજો કરે એટલે કુદી પડવું તે યોગ્ય નથી.

ઈન્ફોસીસના ફાઉન્ડર શ્રી નારાયણ મૂર્તિ ને જેણે વાંચ્યા હોય તેને ખબર હશે કે તેઓ વિદેશમાં ખુબ સારી કંપનીમાં ઊંચા પગારથી નોકરી કરતા હતા અને ત્યાં હજુ વધારે આગળ વધવાની તક પણ તેની પાસે હતી પરંતુ તેમણે વિચાર્યું કે હું આ જ કામ મારા દેશમાં જઈને શા માટે ન કરું ? મારા દેશનાં હજારો યુવાનોને હું રોજગારી આપીશ અને મારા દેશને સોફ્ટવેર ક્ષેત્રે વિશ્વમાં પ્રથમ ક્રમાંકે પહોચાડવા માટે હું ભારતમાં જ કામ કરીશ અને આ ભાવના સાથે તેઓ ભારત પરત આવે છે અને ઈન્ફોસીસની સ્થાપના કરે છે. આજે હજારો યુવાનોને રોજગારી તો આપે જ છે સાથે સાથે દેશને પણ અબજો રૂપિયાનું વિદેશી હુંડીયામણ પણ કમાઈને આપે છે અને કરોડો રૂપિયાનો ટેક્સ દેશને ચૂકવી દેશ પ્રત્યેનું પોતાનું ઋણ પણ અદા કરે છે.

આપણો દેશ આજે વિશ્વમાં સૌથી વધુ યુવાનો ધરાવતો દેશ છે.દેશનાં યુવક-યુવતીઓ જો માત્ર ‘કેરિયર ઓરીએન્ટેડ’ બનવાને બદલે ‘નેશન ઓરીએન્ટેડ’ બની પોતાનું કાર્ય કરશે તો આ દેશને ફરીથી વિશ્વગુરુ બનતા કોઈ અટકાવી નહીં શકે.તો આવો આપણે સૌ દેશ માટે જીવીએ,દેશ માટે વિચારીએ અને દેશ માટે કામ કરીએ.ભારત માતા કી જય.વંદે માતરમ

आइए हम सब ‘करियर ओरिएंटेड’ नहीं बल्क़ि ‘नेशन ओरिएंटेड’ बनें.

हम सब बचपन से एक बात सुनते आते हें की बेटा ‘करियर ओरिएंटेड’ बनो,बेकार की बातों में अपना समय मत बिगाड़ो,अपना भविष्य उज्जवल बनाने के लिए अभी से महेनत करो.इस प्रकार की बहोत सारी बाते हम बचपन से सुनते आए हे.आज की नई पीढ़ी के माँ-बाप तो कम्प्यूटर की तरह बचपन से ही अपने बच्चों में भी करियर का प्रोग्रामिंग करना चालू कर देते हे. ‘करियर ओरिएंटेड’ बनो एसा कहेने की बजाय बेटा ‘नेशन ओरिएंटेड’ बनो, एसा कहेते किसी माता-पिता को कभी आपने सुना हे ? अपने नहीं बल्क़ि देश के उज्जवल भविष्य के लिए महेनत करो,एसा कहेते कभी किसीको सुना हे ?

वास्तवमें बदलते समय के साथ हम सब इतने ‘सेल्फ सेंटर्ड’ हो गए हे की में और मेरा घर,मेरे बच्चे,मेरी ऑफिस,मेरा धंधा,मेरा बंगला,मेरी गाड़ी बस सिर्फ मेरा,मेरा और मेरा इसमें कहीं देश की तो कोई बात ही नहीं करता.आपको जानके हैरानी होगी की ईस्ट चाइना यूनिवर्सिटी के संलग्न चाइना की एक इंस्टिट्यूट हे जिसका नाम हे Institute of International and Comparative Education(IICE) उसमे Nation-Oriented Comparative Education नामक कोर्ष चलता हे.इसी तरह छोटी उम्र से ही बच्चे अपने देश के प्रति अपना उतरदायित्व समजे इस हेतु से इजराएल जैसे कई देशोंकी स्कूल्स में उस प्रकार की तालीम के साथ देशभक्ति के संस्कारो का सिंचन किया जाता हे.क्यूंकि वहां के लोग अच्छी तरह समजते हे की देश की समृध्धि में ही हमारी समृध्धि हे,देश के विकास में ही हमारा विकास हे और देश की प्रगति में ही हमारी प्रगति हे.इसी वजह से भारत के बाद आज़ाद हुए कई देश बहोत कम समय में विकास और समृध्धि में हमसे कई गुना आगे निकल गए हे.भारत के साथ या तो उसके बाद आजाद हुए चीन,दक्षिण कोरिया,इंडोनेशिया,वियेतनाम,जॉर्डन,एस्टोनिया,इजराएल इत्यादि देशों की जिस तरह से प्रगति हुई हे उसकी तुलना में कई सारी चीजों में हम आज भी बहोत पीछे हे.


यह सभी देश इतनी तेज़ गति से प्रगति कैसे कर पाए ? इसका जवाब खोजने की कोशिष करेंगे तो पता चलेगा की वहां के लोग ‘करियर ओरिएंटेड’ नहीं किन्तुं ‘नेशन ओरिएंटेड’ हे.इसलिए यह सब देश हमसे आगे निकल गए.’नेशन ओरिएंटेड’ यानि क्या ? कुछ भी करने से पहले देश का विचार करना.में अगर यह कार्य करूँगा तो मेरे देश को इससे फायदा होगा या नुकशान ? मेरा क्या फायदा यह सोचने के बजाय देश के फायदे या गेरफायदे के बारे में सोचेंगे तो देश की प्रगति के साथ हमारी प्रगति भी निश्चित हे.हमारी क्रिकेट टीम विश्वकप में विजयी बने तो देश को फायदा हे की नुकशान ? फायदा ही तो हे,विश्वफलक पर क्रिकेट के क्षेत्र में देश का नाम रोशन हो यह देश गौरव की तो बात हुई.यहाँ देश के फायदे के साथ टीम के सभी प्लेयर्स को भी व्यक्तिगत रूप से लाभ प्राप्त हुआ की नहीं ? इसी तरह देश का वैज्ञानिक कोई नवीनतम अविष्कार करे और विश्वकक्षा पर गौरव प्राप्त करे तो यह देश का भी तो गौरव हुआ की नहीं ? आप किसी भी कार्य में या कोई भी क्षेत्र में प्रामाणिकता व ईमानदारी से प्रगति करते हे तो वह प्रगति सिर्फ आपकी नहीं बल्की पुरे देश की प्रगति हे और देश की प्रगति में ही सभी देशवासीओं की भी प्रगति हे.

अभी २६ जनवरी को भारत सरकार की ओर से भारतरत्न,पद्मश्री और पद्माविभूषण अवार्ड्स घोषित हुए.इन नामों की सूचि अगर हम देखेंगे तो पता चलता हे की इन सभी लोगों ने अपने अपने क्षेत्र में उतम कार्य किया हे.अपना संपूर्ण जीवन किसी एक कार्य में, दुसरों की भलाई के लिए खपा दिया हे.तो यह कार्य भी देशकार्य ही हुआ.इन सभी लोगों ने अपना निजी स्वार्थ छोडकर समग्र समाज की उन्नति के लिए अपना पूरा जीवन लगा दिया तो साथ ही साथ उनकी अपनी प्रगति भी हुई और राष्ट्रनिर्माण का कार्य भी हुआ.तो यह सभी लोग किस प्रकार के लोग हे ? ‘नेशन ओरिएंटेड’.

आजकल विदेश जाने की भी एक फेशन चल पड़ी हे.वहां जाकर पेट्रोलपंप पर नोकरी करेंगे लेकिन कमाई तो डॉलर में ही करेंगे.इस प्रकार का पागलपन सिर्फ युवानों में हे ऐसा नहीं उनके माता-पिता पर भी इस पागलपन का दौरा पड़ा होता हे.हमारा लड़का विदेश में पढाई करता हे ऐसा रुतबा समाज में रखने के लिए भले ही बेंक से कर्ज लेना पड़े लेकिन बच्चे को विदेश तो भेजेंगे ही.हाँ अगर अनुकूलता हे तो विदेश जाना कोई बुरी बात नहीं हे.विदेश जाना चाहिए,वहां की अच्छी बातों का अनुकरण भी करना चाहिए.लेकिन कुछ सोचें समजे बिना हमारा सबकुछ बेकार और विदेश का सबकुछ अच्छा यह सोच ठीक नहीं.पहेले आप भारतीय संस्कृति और इतिहास का अभ्यास करो और उसके बाद कुछ तय करो तब तो ठीक हे लेकिन सिर्फ दूसरा गया तो में भी क्यूँ पीछे रह जाऊ यह सोचकर अंधी दौड़ लगाना हरगिज़ मुनासिब नहीं हे.

इनफ़ोसिस के फाउन्डर श्री नारायण मूर्ति को जिसने पढ़ा हे उसको पता होगा की वो विदेश में अच्छी कंपनी में तगड़े पगार से नौकरी कर रहे थे.वहां ओर आगे तरक्की करने का रास्ता भी उनके आगे साफ था.लेकिन उन्होंने सोचा की में यह काम मेरे देश में जाकर कयूं न करूँ ? मेरे देश के हज़ारो युवाओं को में रोजगारी दूंगा और मेरा देश सोफ्टवेर के क्षेत्र में विश्व में प्रथम क्रमांक पर पहोंचे इसके लिए में भारत में रहकर ही काम करूँगा यह ठानकर वो भारत वापिस आ गए.इनफ़ोसिस की स्थापना हुई और आज हज़ारो युवाओं को रोजगारी तो प्रदान करते हे साथ में देश को अबजो रुपये की विदेशीमुड़ी भी कमाकर देते हे और करोड़ों रुपये का टेक्स भुगतान करके देश के प्रति अपना ऋण भी अदा करते हे.

हमारा देश आज विश्व में सबसे ज्यादा युवाओं का देश हे.हमारे देश के युवां अगर ‘करियर ओरिएंटेड’ बनने की बजाय ‘नेशन ओरिएंटेड’ बनने की ठान लेंगे तो फिर इस देश को फिर से विश्वगुरु बनने से कोई रोक नहीं पायेगा.आइए हम सब अपने देश के लिए सोचें,देश के लिए कम करे और देश के लिए जिए.भारत माता की जय.वंदेमातरम् 

રવિવાર, 13 જાન્યુઆરી, 2019

સંરક્ષણ સોદાઓ અને કૌભાંડો : યહ રિશ્તા બહુત પુરાના હે


રાજીવ ગાંધીના સમયે પણ વેસ્ટલેન્ડ હેલીકોપ્ટર કૌભાંડ થયેલું.

દેશની સુરક્ષા માટે દેશનું લશ્કર આધુનિક સાધનો-હથિયારોથી સજ્જ હોવું જ જોઈએ.દુનિયાનાં બીજા દેશોની ગતિવિધિઓને ધ્યાનમાં રાખી, સમયે સમયે લેટેસ્ટ હથિયારો તેમજ આધુનિક લશ્કરી સામગ્રીનો ઉમેરો થતો રહે તે દેશની સુરક્ષા તેમજ જવાનોની હિંમતમાં વધારો કરવા માટે અત્યંત જરૂરી છે.આ વાતનો ક્યારેય કોઈ વિરોધ હોય ન શકે.દેશ આઝાદ થયો ત્યારથી સમયે સમયે સરકારો દ્વારા હથિયારોની ખરીદી થતી રહી છે.પરંતુ દુઃખની વાત એ છે કે ભ્રષ્ટાચારી સતાધીશો દેશની સુરક્ષા માટેના સંરક્ષણ સોદાઓમાં પણ કટકી કરવાનું ચુકતા નથી.સંરક્ષણ સોદાઓ બહુ મોટી રકમમાં થતાં હોય છે અને તેની જટિલતા અને ગુપ્તતાને લીધે સામાન્ય પ્રજાને તેની કોઈ જાણકારી પણ હોતી નથી તેથી આવા સોદામાં કટકી કરવી અત્યાર સુધી બહુ સહેલી હતી.

આઝાદીથી લઇ અત્યાર સુધી બહાર આવેલા લગભગ દરેક સંરક્ષણ સોદાઓના કૌભાંડોમાં નહેરુ અને ગાંધી પરિવારનું જ નામ સામે આવ્યું છે.લશ્કર માટે વિદેશી જીપ ખરીદવા માટે ૧૯૪૮માં જવાહરલાલ નેહરુની પ્રથમ સરકારમાં ૮૦લાખ રૂપિયાનું જીપ કૌભાંડ થયું.તે જ રીતે ગાંધી પરિવારના ટ્રેડમાર્ક સમાન કરોડો રૂપિયાનું બોફોર્સ કૌભાંડ. ટેટ્રા ટ્રક કૌભાંડ,સબમરીન કૌભાંડ,હેલીકોપ્ટર કૌભાંડ જેવા તો અનેક સંરક્ષણ કૌભાંડો આટલાં વર્ષોમાં સામે આવ્યા છે.જેનું પગેરું કોઈ ને કોઈ રીતે ગાંધી પરિવાર સુધી પહોંચે છે.

તાજેતરમાં ક્રીશ્ચેન મિશેલ નામના એક વચેટિયા દલાલને ભારત લાવવામાં આવ્યો છે ત્યારે અગસ્તા વેસ્ટલેન્ડ હેલીકોપ્ટર કૌભાંડનું ભૂત ફરીથી ધુણ્યું છે.૨૦૧૦માં ઇટાલીની હેલીકોપ્ટર બનાવનારી કંપની અગસ્તા વેસ્ટલેન્ડ પાસેથી ૩૬૦૦ કરોડ રૂપિયામાં ૧૨ વીવીઆઈપી હેલીકોપ્ટર ખરીદવાનો સોદો ભારત સરકારે કર્યો પરંતુ ઇટાલીની અદાલતમાં ભાંડો ફૂટી ગયો કે આ સોદામાં કુલ ૩૬૦ કરોડની લાંચ નક્કી થયેલ છે જેમાંના ૧૨૫ કરોડ તો ભારતમાં ચૂકવી દીધા હતા.ઇટાલીના મિલાન શહેરની કોર્ટમાં ચાલેલા આ કેસના ચુકાદામાં પેઈજ નંબર ૧૯૩ અને ૨૦૪ પર  કુલ ૪ વખત સીગ્નોરા ગાંધી એટલે કે મિસીસ ગાંધીનું નામ લખેલું છે અને કોર્ટે સ્પષ્ટ ઉલ્લેખ કર્યો છે કે મિસીસ ગાંધીના કોઈ એક રાજકીય સચિવે વચેટિયા પાસેથી ૧૨૫ કરોડની લાંચ લીધી હતી.

અગસ્તા વેસ્ટલેન્ડની આ બધી બાબતો તો હવે જગજાહેર થઇ છે. પરંતુ બહુ ઓછા લોકોને યાદ હશે કે વેસ્ટલેન્ડ અને ગાંધી પરિવારનો નાતો ખુબ જુનો છે.રાજીવ ગાંધી જયારે વડાપ્રધાન હતા ત્યારે ૧૯૮૫માં બ્રિટનની વેસ્ટલેન્ડ કંપનીના ૨૧ હેલીકોપ્ટર ખરીદવાનું કૌભાંડ થયેલું.નિષ્ણાંતોની સલાહ અવગણીને તે વખતે રાજીવ ગાંધી દ્વારા ૬.૫ કરોડ પાઉન્ડમાં ૨૧ હેલીકોપ્ટર ખરીદવામાં આવ્યા.૧૯૮૬માં આ હેલીકોપ્ટર્સનું ભારતમાં આગમન થયું પરંતુ તેની ડિઝાઈનમાં કોઈ મોટી ટેકનીકલ ખામી રહી ગયા હોવાનું બહાર આવ્યું અને બે હેલીકોપ્ટરના અકસ્માત બાદ સરકારે વેસ્ટલેન્ડના હેલીકોપ્ટર પર પ્રતિબંધ લગાવી દીધો.અંતે તે હેલીકોપ્ટર્સનો ભંગાર ખુબ સસ્તી કિંમતે વેંચી લાખ ના બાર હજાર કરવાની નોબત આવી.૧૯૯૯માં બ્રિટનની આ વેસ્ટલેન્ડ કંપની ઇટાલીની ફીનમેક્કાનિકા સાથે ભળી ગઈ અને તેનુ નામ અગસ્તા વેસ્ટલેન્ડ થયું.૨૦૧૦માં ફરી કોંગ્રેસ સરકારે આ અગસ્તા વેસ્ટલેન્ડ સાથે ૩૬૦૦ કરોડ રૂપિયામાં ૧૨ વીવીઆઈપી હેલીકોપ્ટર ખરીદવાનો સોદો કર્યો.

સવાલ એ થાય કે આ જ કંપની સાથેના ભૂતકાળના આવા ખરાબ અનુભવ બાદ પણ કોંગ્રેસ સરકારે ફરીથી આ જ કંપનીને શા માટે ઓર્ડર આપ્યો ? દેશના લાખો લોકોએ દેશના વિકાસકાર્યો માટે આપેલા ટેક્સના રૂપિયાનો આવો દુરપયોગ ક્યાં સુધી ? લોકો પોતાના પરસેવાની કમાણીમાંથી ઈમાનદારીપૂર્વક ટેક્સ ભરે અને તે જ રૂપિયાથી કૌભાંડી સતાધીશો પોતાની તિજોરી ભરે ? વર્ષો સુધી આવા તો અનેક સોદાઓમાં ગાંધી પરિવારે અબજો રૂપિયા ઘરભેગા કર્યા છે તેના એક પછી એક પુરાવાઓ હવે સામે આવતા જાય છે.અદાલત દ્વારા તો તેને જે સજા મળવાની હશે તે મળશે પરંતુ આ દેશના લાખો ગરીબ,પીડિત અને વંચિત લોકો તેમને કદી માફ નહીં કરે.

કોઈપણ દેશની પ્રગતિ અને સમૃદ્ધિ માટે જરૂરી છે એક પ્રમાણિક અને ઈમાનદાર સરકાર.સતાપક્ષ અને વિરોધપક્ષ વચ્ચે જનસેવાની અને પ્રમાણિકતાની હરીફાઈ થવી જોઈએ.રાજકારણીઓ પણ કંઇક મેળવવા માટે નહીં પરંતુ દેશ માટે કંઈક કરી છૂટવા માટે સમર્પણભાવથી દેશના ગરીબ,પીડિત અને શોષિત લોકોના ઉત્થાન માટે કામ કરશે,ભ્રષ્ટાચારીઓનો જયારે સમાજ દ્વારા સામુહિક બહિષ્કાર અને તિરસ્કાર થશે અને આખા દેશમાં જયારે પ્રમાણિકતાનું પર્વ ઉજવાશે ત્યારે સાચા અર્થમાં આ દેશમાં સોનાનો સુરજ ઉગશે.આશા અમર છે.વંદેમાતરમ,ભારત માતા કી જય.